“Pacienza” dissi e mi misi a pinsari

comu putiri nesciri di lestu

fora di ddru recintu assai funestu

e la strada du paisi ritruvari.

Mentri pinsava vitti a lu me latu

la porta cull’internu alluminatu

cu c’era d’intra e mi misi a chiamari

M’arrispunniu la mia stessa vuci

trasivu e faciennumi la cruci

vitti un tabutu ccapu du trispùna

e n’antru pusatu ccapu li madùna

Unu era di nuci, allucinatu e scuru

e granni, c’ammarrava quasi menzu muru

e si capiva anchi a la luntana

cca u murtu dda intra avia li grana.

L’antru era un tabutu, anzi na cascia

menza scassata comu u mastru d’ascia

ca cu quattru tavuli e du chiova

l’avia fattu p’un panàru d’ova

Lascia un commento

Il tuo indirizzo email non sarà pubblicato. I campi obbligatori sono contrassegnati *